簡介

因為真係唔知道有咩好share，再加上身邊好多人好似都唔識教水，唔識游水，不如就直接搞個游泳大全，一下KO 99%問題。

本文所有情況都會用對待小朋友嘅態度去處理任何問題或者教學

事先聲明，本文章只是分享，如有錯誤勿屌，唔係科普

游泳學習流程

基本游泳學習流程如下:

口噴氣，鼻噴氣，浮身，踢腳，自由式，背泳，蛙式，蝶式

當然，我更加聽過蛙式為先嘅教學方式，我覺得係兩種看法，大家可以自行衡量是否先教學蛙泳，我就唔會嘅

好處:

先學踩水，可以自救，學員可以快速"學會"一個泳式，而且蛙式容易教學，不但學員可以快速學會呼吸，而且蛙式容易快速達到一定速度

壞處:

蛙式需要節奏，手腳配合，好容易開始就養成壞姿勢習慣，不利之後嘅教學，例如蛙式腳需要腳板外翻，同其他泳式相反，可能學習其他泳式嘅時候難以改變習慣，仲有第二種說法係"惰性"，學蛙式之後游自由式會覺得好攰，好複雜，對學生之後嘅學習積極度會有影響

反正如果正常教學流程就唔建議蛙式先

課堂安排

冇錯，教練第一件事唔係學點教，係點安排課堂，如果你唔係想黎學游水可以直接skip呢part，通常外面教練嘅編班方法就係我稱之為保底教法，因為本身教學方法缺陷，公司規程限制，或者係需要賺錢，都令佢地去選擇呢款方法，呢種教學編排好簡單，就係數手指(內容來自某香港好大間嘅游泳學校)，一個手指代表10分鐘，一共50分鐘，再加十分鐘熱身，一共60分鐘，而且有分Plant A 同 B，如果初班教學就叫plant A，plant A意思就係固定教學計劃，50分鐘裏面分別要做嘅係 呼吸，踢腳，浮身，踢腳浮身，呼吸踢腳浮身。而Plant B就需要似乎學員進度，首先10分鐘踢腳熱身，30分鐘便是溫故，剩餘10分鐘便是知新，將每一個泳式拆解成少部份，再分開乘外面練習和池邊練習，例如學生現在已經學會全式自由式，需要學習背泳腳，那麼10分鐘踢腳，10分鐘自由式右手單手分解（外面），10分鐘全式自由式（池邊），10分鐘全式自由式（外面），最後10分鐘背泳腳。編班如圖所示：

當然有好有壞，好處自然係十分鞏固之前學過的知識點，壞處就自然係咁樣嘅學習速度係其實好慢，而且係慢得十分過分，假設學員依照成個流程學完，幾咁天賦異稟都好，都至少需要6堂先可以學識自由式（6小時），更何況啲學生一定可以跟得上學習進度，距離呢個光速學游水仲有一段距離。所以我個人就會有第二個課堂安排方法，我叫做 50/50。一半時間熱身&回顧，另外一半學習新知識點，而且速度快嘅話可以跳著教，當然啦呢個方法需要一定嘅教學經驗去判斷，如果你想獲得呢啲經驗，接下來你一定要睇晒我嘅神仙教學😏

教練的基本素養（其實算係教學規範）

咩話？教練有素養嘅咩？我都係第一日先知，唔緊要！都有嘅，就係麻煩唔好浸死人。

講笑啫講笑啫，咁保護學生人身安全就梗係基本啦，以下內容呢如果係你自己個仔，其實就冇乜所謂嘅，但如果你係教練身份出去教游水，麻煩大家注意一下。第一就係眼一定要望晒所有學生，呢個係一個專業人士判斷你係唔係專業教練嘅其中一個標準，盡量同學生有多啲eyes contact，要企喺學生前面，盡量比足安全感學生，根據學生程度判斷教學範圍同埋可活動距離。某香港巨大游泳學校曾經有一個指引，叫做圓圈正方形同長條。圓圈意思就係學生圍圈望住教練，通常用於初學嘅呼吸動作示範。正方形就係講緊環繞泳線練習，即係類似於左去右翻或者右去左翻，然後教練可以喺中間或者四個角落頭輔助學生游泳姿勢。最尾就係長條，簡單嚟講就係學生排排企望住教練示範，呢一啲嘅教學範圍限制都算係比較公式化同容易規定，可以保障到學生安全。

總結

其實點都好，學生條命先係最安全，游泳教練只係爛命一條，呢啲公式僅供參考，如有雷同就係我抄返嚟嘅，但係唔好吿我。